Kurt Zouma mund të largohet nga Chelsea gjatë verës Mbrojtësi francez, Kurt Zouma ka humbur durimin. Lëndimi i rëndë që pësoi një vit më parë duke e lënë për disa muaj jashtë fushe, ka bërë që 22 vjeçari të humbë vendin e titullarit.
Gjatë verës, Antonio Conte ktheu në “Stamford Bridge” David Luizin, duke iu pakësuar kështu në maksimum minutat francezit, i cili tani nuk e hedh poshtë mundësin e largimit nga Chelsea gjatë verës.
“Të largohem nga Chelsea? Do të shohim në fund të sezonit”, deklaroi Zouma.
Zouma është transferuar në Londër në verën e viti 2014. Ai deri më tani ka bërë 66 paraqitje për “Blutë” në të gjitha garat, duke shënuar edhe katër gola.