Hamburgu i Mërgim Mavrajt ka marrë një fitore të madhe këtë të shtunë, duke mposhtur në transfertë 0-3 Leipzigun e vendit të dytë, duke bërë që Bayern Munchen të shkojë në 7 pikë diferencë pas fitores 0-2 ndaj Ingolstadt.
Mbrojtësi i kombëtares shqiptare ishte një ndër lojtarët më të mirë në fushën e lojës për skuadrën e tij, duke dhënë siguri të madhe në prapavijë, në këtë fitore shprese për skuadrën e Hamburgut, që tashmë i largohet zonës së ftohtë.
Për Bayernin rezultoi një ndeshje e vështirë pavarësisht rezultatit, i cili u arrit vetëm në minutat e shtesës. Vidal dhe Robben shënuan përkatësisht në minutën e 90 dhe të tretë të shtesës.
Një zhgënjim total, Dortmundi, i cili u mposht nga Darmstadt i vendit të fundit me rezultatin 2-1.
