Ndeshja kryesore në Premier League në mes Manchester Utd dhe Liverpool-it përfundoi pa fitues (1:1). Një ndeshje për infarkt në mes dy gjigantëve, dy rivalëve të vjetër, që gjithsesi kënaqi tifozët e pranishëm në Old Trafford, u ndanë në paqe. Zlatan Ibrahimoviç është shpëtues i Manchester Utd, pasi që deri në minutën e 84-të ishin në epërsi mysafirët. Në minutën e 27-të, Pogba shkaktoi penallti, i cili luajti me dorë. Ndërkaq, James Milner ka qenë preciz nga goditja e penalltisë, duke e kaluar në epërsi ‘Redsat'. Në minutën e 84-të, një veprim i shpejt e i rrjedhshëm i ‘Djajve të Kuq’, Fellaini me kokë godet shtyllën, rikthehet topi, ndërsa Zlatan Ibrahimoviç nga afërsia me kokë shënoi dhe barazoi rezultatin 1:1. Manchester Utd pas gjashtë fitoreve rresht ndalet nga Liverpooli. Manchester Utd lëshoi mundësinë të shënoi edhe fitoren e shtatë radhazi, skuadër e cila mban vendin e gjashtë me 40 pikë, 12 më pak se lideri Chelsea dhe Liverpooli është në vend të dytë me 45 pikë sa ka edhe Tottenham një vend më lartë.