Është mbyllur java e 18-të e Kampionatit Shqiptar, me supersfidën Skënderbeu nga Korça dhe Partizani i Tiranës, me fitoren e të kuqve me përmbysje 1:2. Për Partizanin është rikthyer Ekuban protagonist kryesor dhe udhëheqës i të kuqve, duke shënuar dy golat më të rëndësishëm të këtij viti kalendarik. Nga ana tjetër Skënderbeut nuk i ka mjaftuar dot Xhejms, ndonëse afrikani ishte protagonisti kryesor i ekipit korçar, me golin e avantazhit dhe një traversë. Një rezultat ky që i ka dhënë Partizanit vendin e dytë të klasifikimit, madje duke e afruar vetëm një pikë larg kreut, të mbajtur ekskluzivisht nga Kukësi, i shpallur kampion dimri. Kampionë në fuqi, të cilët kanë humbur dy ndeshjet e fundit, përkatësisht ndaj dy rivalëve kryesorë që i kanë, do të duhet të kënaqen vetëm me vendin e tretë në këtë fund viti. Për fitoren e Partizanit shënoi: Ekuban (34’ e 59’) dhe për Skënderbeun realizoi: Xhejmsi (10’). Kukësi kryeson me 36 pikë, një më shumë se Partizani, katër se Skënderbeu që renditet në vend të tretë. Luftëtari dhe Kukësi janë ndarë në një barazim 2:2 në ndeshjen e zhvilluar në Gjirokastër. Ndeshja është shoqëruar nga fillimi deri në fund nga një tension u dukshëm në dyluftimet e ashpra mes lojtarëve.
Liga e Shqipërisë
Korabi-Flamurtari 1:0 (0:0)
Laçi-Teuta 0:2 (0:1)
Luftëtari-Kukësi 2:2 (1:1)
Vllaznia-Tirana 0:0 (0: 0)
Skënderbeu-Partizani 1:2 (1:2)
Tabela
1. Kukësi 18 9 9 0 36
2. Partizani 18 9 8 1 35
3. Skënderbeu 18 9 5 4 32
4. Tirana 18 6 9 3 27
5. Luftëtari 18 5 7 6 22
6. Vllaznia 18 4 9 5 21
7. Flamurtari 18 6 5 7 17
8. Teuta 18 4 4 10 16
9. Laçi 18 3 5 10 14
10. Korabi 18 2 5 11 11
