Oscar përfundimisht do të largohet nga Chelsea në muajin janar, për të kaluar në kampionatin kinez
Trajneri i Chelseat, Antonio Conte e ka konfirmuar se mesfushori Brazilian, Oscar do të largohet gjatë janarit për të kaluar në Shanghai SIPG.
Conte tha se i vjen keq që një lojtar i tillë do të largohet, por tha se e kupton vendimin e lojtarit, pasi është e vështirë për të refuzuar një kontratë të tillë.
“Më vjen keq që po largohet Oscar, sepse po largohet një lojtar dhe një njeri shumë i mirë. Duhet të jem i sinqertë, por në anën tjetër e kuptoi vendimin e lojtarit”, tha Conte gjatë konferencës për media.
Kujtojmë se Oscar do të shitet për 60 milionë euro, apo 35 më shumë se sa e kishin transferuar katër vite më parë.