PSG këmbëngul për Mauro Icardin

Futboll

PSG këmbëngul për Mauro Icardin

Më: 13 dhjetor 2016 Në ora: 14:14
Mauro Icardi

Paris Saint Germain është vënë në kërkim të një qëndërsulmuesi dhe me shumë mundësi do të realizojë një transferim të bujshëm në rast se Edinson Cavani i jep lamtumirën ekipit parizien. Largimi i Zlatan Ibrahimovic e ka dëmtuar jo pak ekipin e Unai Emery që nuk arrin të gjejë vazhdimësinë në Ligue 1 dhe Champions League edhe pse Cavani po e gjen rrugën e rrjetës në vazhdimësi. Në këtë mënyrë, presidenti Al Khelaifi ka gati miliona Euro për të kënaqur dëshirën e trajnerit spanjoll që në merkaton e dimrit.

Sipas “L’Equipe”, është Mauro Icardi emri që intrigon drejtuesit e klubit parizien. “Nëse shikojmë rendimentin e tij në Itali me Interin është shumë e vështirë të mendosh për një largim të mundshëm që në muajin Janar, por nëse konsiderojmë edhe faktin që zikaltërit po zhvillojnë një sezon jo shumë pozitiv, atëherë kjo mund të ndikojë shumë në këtë çështje”, shkruan ndër të tjera prestigjozja “L’equipe”. Në listën e gjatë të Paris Saint Germain figurojnë edhe alternativa të tjera si Carlos Bacca, Ciro Immobile, Iago Aspas, Carlos Tevez, Robin Van Persie dhe Rashford por gjithsesi, argjentinasi i Interit mbetet alternativa më e pëlqyer në shtëpinë e kampionëve të Francës.

Sot mund të lexoni Shfletoni kopertinat