Një ngjarje e rrallë ka ndodhur në Britaninë e Madhe. Një tifoz i Celticut është gjobitur me 90 funte (rreth 100 euro) pasi ia ofroi hamburgerin kalit të policisë para ndeshjes së Ligës së Kampionëve ndërmjet ekipit të tij dhe Manchester Cityt.
Policia e Manchesterit ka shkruar të mërkurën në rrjetet sociale, duke treguar se kali, i quajtur Lancaster, është në gjendje stabile pas këtij incidenti.
E njëjta polici më vonë konfirmoi se personi është liruar, por që kuleta e tij është zbrazur paksa.
Ky ishte një rast i rrallë dhe i paparë ndonjëherë, ndërkohë që policia ka konfirmuar se tifozi ishte i dehur dhe në gjendje aspak stabile.