Chelsea i ka takuar derbi i Londrës, ku ka mposhtur 2:1 Tottenhamin në ‘Stamford Bridge’, në kuadër të xhiros së 13-të të Premierligës.
Kjo është fitorja e shtatë me radhë për Chelsean, ndërsa humbja e parë këtë edicion për Tottenhamin.
Fillimi i ndeshjes i takoi Tottenhamit, që me presion të madh, mbanin në zonë skuadrën e Chelseas, ndërsa në minutën e 11’-të kaluan në epërsi kur shënoi Eriksen.
Chelsea këtë presion ia doli ta thyej në minutën e 45’, kur barazoi Pedro për 1:1.
Pjesa e dytë nisi më mirë për Chelsean, që në minutën e 51’-të nëpërmjet Moses, shënoi për 2:1.
Kjo fitore e mban Chelsean në krye të Premierligës me 31 pikë, ndërsa xhiron e ardhshme luan në udhëtim te City.
