Trajneri i Interit, Frank de Boer po kalon një situatë të vështirë pasi as fitorja e djeshme kundër Torinos nuk i ka bërë punë për të mos u shkarkuar.
Tekniku holandez vazhdon të qëndrojë në ‘ethe’ pasi vendimi nëse do të vazhdojë të drejtojë Interin do të merret pas një mbledhje të bordit ditën e premte.
E përditshmja italiane “Gazzetta dello Sport” shkruan se të premten do të merret vendimi final, me presidentin Erick Thohir që e dëshiron ende në skuadër.
Kohët e fundit është përfolur në media se Laurent Blanc, Stefano Pioli dhe Leonardo shihen si alternativa të mundshme për të zëvendësuar De Boer.