“Goli i hershëm në ‘Stamford Bridge’ ndryshoi krejtësisht strategjinë tonë”, kështu ka thënë portugezi pas humbjes 4:0 nga Chelsea.
Chelsea i Antonio Contes ka shkatërruar Manchester Unitedin e Jose Mourinhos në xhiron e nëntë në Premierligë, duke e mposhtur 4:0 në ndeshjen që u zhvillua në ‘Stamford Bridge’.
Kjo humbje i ka kushtuar portugezit me një rekord të zi. Humbja prej 4:0, ishte më e thella në karrierë për Josen si trajner në Premierligë.
Ai u shpreh tejet i zhgënjyer me këtë humbje, teksa tha se goli i parë i pranuar ndryshoi krejtësisht rrjedhën e ndeshjes – dhe se diçka e tillë nuk duhet lejuar asnjëherë.
Kujtojmë se Pedro kaloi Chelsean në epërsi pas vetëm 30 sekondave lojë, teksa ‘Blutë e Londrës’ shënuan edhe tre të tjerë deri në fund të sfidës.
“Erdhëm këtu me një strategji dhe ju nuk mund të pranoni gola ashtu siç pranuam në minutën e parë – ai gol ndryshoi ndeshjen”, tha Mourinho.