Gjithçka është e gatshme për ndeshjen e madhe në mes kombëtares së Kosovës dhe asaj të Kroacisë. Burimet e afërta me kombëtaren kroate bëjnë të ditur për gazetën kombëtare “Bota sot” se të mërkurën në orët e mëngjesit, futbollistët kroatë do të aterrojnë drejt Rinasit dhe pastaj do të marrin rrugën për në Shkodër, ku me 6 tetor takohen me Kosovën, në orën 20.45, në kuadër të xhiros së dytë të grupit I të kualifikimeve për Kampionatin Botëror – ‘Rusia 2018’. Kroacisë i mungojnë katër futbollistë për shkak të lëndimeve, Luka Modriç, Marko Pjaca, Ivan Rakitiç dhe Dejan Lovren. Megjithatë, Kosova është gati dhe paralajmëron edhe një befasi tjetër në garat kualifikuese.