Investitorët kinezë i kanë ofruar Massimo Morattit që të rikthehet si president i Interit.
Moratti nuk e ka në plan rikthimin tek Inter.
Spekulimet e medieve italiane se Moratti do të rikthehej në postin e presidentit, në klubin italian, i ka hedhur poshtë vetë ai, ndonëse drejtuesit e Sunning Group i kanë kërkuar një gjë të tillë.
“Kam lexuar lajmet dhe nuk e kuptoj pse flisni për një skenar të tillë”, ka thënë Moratti për Tuttomercatoweb.
“A e përjashtoj rikthimin e menjëhershëm në klub? Po absolutisht. Edhe në të ardhmen? Të shohim, nuk i dihet”.
“Më vjen keq që po iu dëshpëroj, por më duhet të demantoj ato që janë thënë. Nuk e kam në plan të kthehem njëherë”.
