Disfata e së shtunës në derbin e Londrës mbetet një plagë e hapur për lojtarët e Chelseat.
Ekipi i Antonio Contes pësoi debakël vetëm në pjesën e parë nga ‘Topçinjtë’, duke pranuar tre gola, derisa në të dytën nuk pati forcë të reagonte.
Paraqitja e dobët ndaj Arsenalit, sipas Eden Hazard nuk mund të justifikohet dhe skuadra duhet të reagojë qysh në sfidën e ardhshme, transmeton KosovaPress.
“Nuk kemi arsyetime”, ka deklaruar Hazard për faqen zyrtare të klubit.
“Kemi luajtur dobët, ishim të ngathët dhe humbëm shumë duele”.
“Gabimet e shumta na e pamundësuan që të zhvillojmë ndeshjen që donim. Të pësosh tre gola në pjesën e parë nga një skuadër e fortë si Arsenali është e vështirë që të reagosh”, ka deklaruar Hazard.