Tashmë i rikthyer në klubin e tij të fëmijërisë, Atletico Madrid, 32-vjeçari, Fernando Torres, më në fund ka folur hapur për të parën herë në lidhje me transferimin kundërthënëse nga Liverpool për te Chelsea, në vitin 2011 për shumën prej 58 milionë euro.
Futbollisti i përfaqësueses spanjolle është bërë pjesë e librit të ri të autorit Simon Hughes, i titulluar “Ring of Fire: Liverpool FC into the 21st Century – the players’ stories”- “Unaza e zjarrit: Liverpool FC në shekullin e 21-të-historia e futbollistëve”.
Ai beson se progresi i bërë nga Liverpool që nga koha e largimit të tij, ka qenë me hapa të vegjël, gati të papërfillshëm, çka e konfirmon se vendimi i tij për tu transferuar ishte zgjedhja më e mirë.
“Tashmë, po flasim pesë vite më pas de ata janë ende duke provuar që të ndërtojnë, ndërkohë që në klasifikim të Ligës Premier ndodhen në të njëjtat pozita si asaj kohe kur unë u largova. Në atë kohë më prezantuan dhe më trajtuan sikur të isha tradhtar. Ndërkohë, në diskutime, nuk ishte ashtu. Liverpool nuk mund të pranonte se po vepronte gabim me të gjithë skuadrën, ndaj i nevojitej një fajtor”, përfundoi Torres.
