Faza finale e Ligës së Kombeve, sot hidhet shorti

Futboll

Faza finale e Ligës së Kombeve, sot hidhet shorti

Më: 3 dhjetor 2020 Në ora: 10:11
Foto ilustrim

Pas përfundimit të fazës së grupeve, sot do të hidhet edhe shorti për fazën finale të Ligës së Kombeve, ku katër fitueset e grupeve të Ligës A do të garojnë për të fituar edicionin e dytë të kompeticionit më të ri të UEFA-s.

Kështu ceremonia e shortit do të startojë në orën 17:30 në zyrat qendrore të UEFA-s në Nyon dhe do të transmetohet live në Supersport 1, ndërsa Italia, Belgjika, Franca e Spanja do të jenë skuadrat që do të garojnë për të fituar trofeun.

Dy gjysmëfinalet e kësaj faze janë parashikuar për t’u zhvilluar më datat 6 dhe 7 tetor të vitit të ardhshëm, ndërsa finalja e madhe dhe sfida për vendin e tretë do të luhen më datën 10 tetor 2021.

Teorikisht faza finale e kompeticionit duhet të luhet të Itali, duke qenë se “të kaltrit” janë fituesit e grupit 1 të Ligës A dhe nëse autoritetet italiane japin miratimin, atëherë ndeshjet do të zhvillohen në Milano e Torino, ndërsa plani B janë Holanda ose Polonia.

Gjithsesi stadiumet ku do të luhen finalet dhe oraret e tyre, do të njoftohen nga vetë UEFA në përfundim të shortit të sotëm, të cilin mund ta ndiqni në Supersport 1, duke nisur nga ora 17:30.

commentFirst article
Sot mund të lexoni Shfletoni kopertinat