Trajneri i Milan, Stefano Pioli, ka dhënë disa komente lidhur me transferimin e mundshëm të Ibrahimovic tek Milan.
Emri i Zlatan Ibrahimovic po lidhet me një rikthim të mundshëm në Serie A tash e disa javë, me Bologna dhe Milan si dy skuadrat kryesore.
Lidhur me këto zëra ka komentuar edhe Pioli, trajneri i Milan, i cili ka hedhur gjithçka në pikëpyetje për këtë lëvizje të madhe.
“Ibra është lojtar i madh. Por, merkatoja e janarit është akoma larg. Do të ketë kohë për të marrë vendimin” ka thënë Pioli.
Milan kanë fituar vetëm një nga katër ndeshjet e luajtura nën urdhrat e Pioli. Një transferim i madh do të ishte ndihmë për skuadrën.
