Sukses i madh për skuadrën shqiptare Shkëndijën nga Tetova. Kuqezinjtë stolisen me titullin e kampionit, i treti në historinë e tyre. Tetovarët mbrojtën titullin e kampionit në Maqedoninë e Veriut. Ata në ndeshjen e fundit, në një atmosferë madhështore në Tetovë e mposhtën me rezultat bindës 4:1 Akademija Pandevin. Klubi shqiptar ka sunduar në kampionat dhe si rrjedhojë e kësaj edhe zunë janë në vendin e parë me 79 pikë, 16 më shumë se Vardari i Shkupit që është në pozitën e dytë. Shkëndija për 35 ndeshje ka regjistruar 24 fitore, 7 barazime e 4 humbje, me goldallim 78:26.
Lojë e madhe e Shkëndijes e cila e mbushi portën e rivalit. Për Shkëndijen shënuan Zejnullai (26' e 84'), Totre (51') e Junior (67') dhe për Pandev Ivanov (52'). “Vërtet është kënaqësi e jashtëzakonshme dhe të jesh anëtar i shkëndijës dhe pjesë e kësaj feste që ka kapluar qytetin e Tetovës në përgjithësi dhe Shkëndijën në veçanti.
Pikërisht pas ndeshjes së xhiros së 35-të të Kampionatit të Maqedonisë së Veriut, skuadra jonë ka pranuar edhe trofeun për titullin e kampionit për sezonin 2018-19, me shkas ishte takimi i fundi që luajmë si vendas, por takimin e radhës dhe të fundit e luajmë po në Tetovë, thënë kushtimisht si mysafir i ekipit të Renovës. Nga vitit 2013, nga viti në vit kemi bërë nga një hap shtesë dhe në drejtim të suksesit, qoftë dalja në Evropë, qoftë kalimi i xhirove, më pas edhe fitimi i titujve”, tha mes të tjera për gazetën kombëtare “Bota sot”, Faton Zylbehari, zëdhënës i klubit Shkëndija.
Mediat në Maqedoninë e Veriut shkruajnë se Shkëndija para tifozëve në vet, të udhëhequr nga pronari Lazim Destani, edhe zyrtarisht u kurorëzuan si kampion i ri i Maqedonisë së Veriut. Trajneri i Shkëndijes Qatip Osmani është i lumtur për suksesin dhe në anën tjetër ata së bashku me lojtarë festuan me tifozët më besnikë, "Ballistët". Nga ana tjetër derbi shqiptar mes Shkupit dhe Renovës përfundoi pa fitues, me rezultat 2:2. Për Shkupin shënuan (Serginho (7’) e Ustabasi (60’) dhe për Renovën Ramadani (53’ e 59’). Skuadra e Shkupit është në vend të pestë me 45 pikë, një më shumë se Renova një pozitë më poshtë.
Liga e Maqedonisë së veriut
Bellasica-Rabotniçki 0:1
Makedonija GP-Sileksi 2:0
Shkëndija-A. Pandev 4:1
Shkupi-Renova 2:2
Vardari-Pobeda 6:0
Tabela
1. Shkendija 35 24 7 4 79
2. Vardar 35 17 12 6 63
3. Akademija Pandev 35 17 6 12 57
4. Rabotnicki 35 13 7 15 46
5. Shkupi 35 12 9 14 45
6. Renova 35 11 11 13 44
7. Makedonija GP 35 11 11 13 44
8. Sileks 35 10 11 14 41
9. Belasica 35 9 11 15 38
10. Pobeda 35 6 5 24 23
