Ka përfunduar edhe ndeshja e fundit për këtë sezon në Superligën e Kosovës në futboll ku skuadra e Ferizajt ka arritur edhe fitoren e 7-të radhazi duke mposhtur Gjilanin para publikut vendas me rezultat 2:1.
“Një ndeshje fantastike nga djelmoshat tanë, ku dominuan gjatë tërë ndeshjes, dhe duke bërë edhe një tjetër paraqitje të jashtëzakonshme. Tani edhe zyrtarisht kemi siguruar mbetjen në Superligë edhe për sezonin e ardhshëm. Klubi ynë falënderon tifozët tanë ‘Ujqit’ që nuk u ndalën asnjëherë duke na përkrahur si në momente të mira por edhe në të vështira duke na dhënë motiv të vazhdojmë përpara, falënderojmë edhe donatorët e klubit për mbështetje financiare, falënderojmë kryetarin e klubit, Mustafë Grainca për punën e mirë që ka bërë, shtabin teknik dhe kryesinë e klubit. Rrugëtimin që e filluam së bashku e mbyllim këtu së bashku, pasi që sukseset e klubit janë edhe meritë e juaja tifozë të nderuar dhe të gjithë ju që keni kontribuar për klubin tonë. Në sezonin tjetër me synime tjera dhe me skuadër konkurruese për trofe, një organizim edhe më i mirë i klubit pritët të jetë në sezonin tjetër, ku shpresojmë që në fund të arrijmë suksese edhe më të mëdha”, thuhet nga KF Ferizaj.
Ferizaj përfundon në vend të pestë me 46 pikë, kurse Gjilani i dhjeti me 38. Trepça ’89 nuk i bëri punë as fitorja me 4:0 ndaj KEK-ut. Trepça ’89 së bashku me Gjilanin do të kërkojnë shpëtimin përmes barazhit, kurse KEK-u largohet nga elita.
Superliga e Kosovës
Feronikeli-Prishtina 1:0
Ferizaj-Gjilani 2:1
Trepça ’89-KEK-u 4:0
Flamurtari-Llapi 3:2
Ballkani-Drita 2:0
Liria-Drenica 2:3
Tabela
1. Feronikeli 33 25 5 3 80
2. Prishtina 33 23 6 4 75
3. Llapi 33 22 3 8 69
4. Drita 33 14 6 13 48
5. Ferizaj 33 14 4 15 46
6. Flamurtari 33 12 9 12 45
7. Drenica 33 11 10 12 43
8. Ballkani 33 12 7 14 43
9. Trepça'89 33 11 9 13 42
10. Gjilani 33 10 8 15 38
11. Liria 33 8 4 21 28
12. KEK-u 33 0 1 32 1
Feronikeli kampion i ri. Nga liga largohen Liria dhe KEK-u, në barazh mbeten Trepça ’89 dhe Gjilani.