Trajneri i Manchester United, Ole Gunnar Solskjaer ka deklaruar sot se nuk pret asnjë blerje të madhe nga merkato e janarit. Nën drejtimin e trajnerit norvegjez, skuadra e United i ka fituar të 6 ndeshjet e luajtura deri më tani, paraqitja më e mirë e një trajnerit në debutimin e tij me “djajtë e kuq”. “Nuk pres asnjë blerje apo largim, do të vazhdojmë me këtë grup që jemi. Rezultatet e arritura më japin të drejtë”, tha Solskjaer.
Skuadrës së United i është rikthyer në stërvitje pas gati dy muajsh sulmuesi kilian Alexis Sanchez, që do të jetë në dispozicion të trajnerit për ndeshjen e radhës ndaj Brighton. Gjithsesi, lajmi i keq është se do të mungojë për 3-4 javë mesfushori belg Manuel Fellaini i dëmtuar. “Nuk do të kemi as largime, pasi tani që nuk kemi as Manuel na duhen të gjithë lojtarët që kemi në dispozicion. Edhe McTominay pres që të qëndrojë me ne”, u shpreh më tej trajneri Solskjaer.
