Edhe Raikkonen në listën e “MeToo”, denoncon një kanadeze - Bota Sot
Edhe Raikkonen në listën e “MeToo”, denoncon një kanadeze

Formula 1

E diel, 24 qershor 2018

Edhe Raikkonen në listën e “MeToo”, denoncon një kanadeze

Më: 29 maj 2018 Në ora: 22:18
Ish-kampioni i botës me “kokëkuqen” ka denoncuar për “zhvatje” dhe “ngacmim” një femër, e cila përmes rrjeteve sociale i paska kërkuar atij parà në këmbim të heshtjes së saj për “futje duarsh”.

E nëse e gjithë bota u trondit nga lëvizja “MeToo”, e cila ka pushtuar rrjetet sociale që prej denoncimit të producentit të “Hollywood”-it, Harvey Weinstein, për ngacmime seksuale ndaj disa aktoreve, një denoncim i beftë vjen këtë herë nga një mashkull kundrejt një femre.

As më pak e as më shumë, por ai që kërkon ndihmën e policisë kanadeze është pikërisht Kimi Raikkonen, piloti finlandez i Ferrarit.

Ish-kampioni i botës me “kokëkuqen” ka denoncuar për “zhvatje” dhe “ngacmim” një femër, e cila përmes rrjeteve sociale i paska kërkuar atij parà në këmbim të heshtjes së saj për “futje duarsh”.

Ngjarja besohet të ketë ndodhur pas Çmimit të Madh të Montrealit, në Kanada, në vitin 2016, kur gjatë një feste, piloti i Ferrarit pretendohet t’i ketë prekur gjinjtë.

Siç informon e përditshmja kanadeze “Lapresse”, gruaja e denoncuar punonte për “Velvet Speakeasy” në Montreal, e thuhet t’i ketë kërkuar ferraristit një shifër me 7 zero (dhjetë a më shumë milionë dollarë).

Finlandezi, përmes avokatit të tij mbrojtës, ka deklaruar se është i habitur nga kjo ngjarje, pasi nuk ka lidhje me këtë.

Sot mund të lexoni Shfletoni kopertinat
Sondazh
test