Schumacher pasurinë ia ka lënë gruas dhe fëmijëve - Bota Sot
Schumacher pasurinë ia ka lënë gruas dhe fëmijëve

Formula 1

E premte, 22 qershor 2018

Schumacher pasurinë ia ka lënë gruas dhe fëmijëve

Më: 29 prill 2018 Në ora: 09:22
Foto arkiv - Schumacher me familjen e tij

Michael Schumacher pësoi një lëndim serioz gjatë një aksidenti duke skijuar, mirëpo detajet për gjendjen e tij vazhdojnë të jenë të panjohura për publikun.Familja e legjendës së Formula 1 jeton në Gjenevë të Zvicrës, ndërsa Bunte.de ka raportuar se çfarë ka ndodhur me pasurinë e ish-pilotit gjerman. Miliona eurot e Schumacherit i ka në dispozicion babai i tij 72-vjeçar, Rolf, të cilin Michael e kishte autorizuar në llogarinë e tij që nga viti 1992 dhe autorizimi është akoma i vlefshëm.

Në fillet e karrierës së tij, Schumi vendosi që atë ta përfaqësonte babai i tij dhe asokohe ishte vetëm në lidhje me gruan e tij të tanishme, Corinna.

Ndërkaq, pasurinë e patundshme, 49-vjeçari ia ka trashëguar gruas dhe dy fëmijëve, vajzës Gina-Maria Schumacher (21 vjeçare) dhe djalit Mick Schumacher (19 vjeçar).

Ndërsa babai i tij, në bazë të autorizimit, ka të drejtë që t’i përfaqësojë edhe trashëgimtarët.

Përkundër ndarjes së këtillë të pasurisë, në familjen e Schumacherit nuk ka kurrfarë mosmarrëveshjeje.

Babai i Michael, Rolf, jeton në të njëjtën shtëpi ku ka jetuar prej vitesh dhe deri më tani nuk ka pasur asnjë mosmarrëveshje me anëtarët tjerë të familjes se kush do t’i përdorë paratë e Schumacherit.

Komentet
comments powered by Disqus
Sot mund të lexoni Shfletoni kopertinat
Sondazh
test