Kërcënon Ferrarin - Bota Sot
Kërcënon Ferrarin

Formula 1

E premte, 21 shtator 2018

Kërcënon Ferrarin

Më: 11 shkurt 2018 Në ora: 12:59
Red Bull

Sezoni ri i Botërorit të Formula 1 është në prag dhe mes skuadrave që synojnë të jenë pretendente për titullin kampion është edhe Red Bull. Drejtori sportiv i skuadrës austriake Christian Horner, ka thënë se gjërat kanë shkuar mirë gjatë muajve të dimrit dhe se makina e re do të befasojë të gjithë.

“Ndryshe nga sezonet e fundit, ku kemi patur disa vështirësi në start, këtë herë gjërat kanë shkuar sipas planifikimeve, ndaj mezi presim që të zbresim sërish në pistë për të testuar makinën e re. Ne jemi gati, do të shihni që nuk do të jetë vetëm Ferrari e Mercedes për titull, por edhe Red Bull”, tha Horner.

Më tej, shefi i makinës austriake, tha: “Do ta shihni që në testet e para se cila do të jetë forca jonë. Jemi të shpejtë dhe besojmë se Verstappen e Ricciardo do të dinë të përfitojnë nga makina që do t’u japim. Ndryshimet e përgatitura dhe telajo do të jenë arma jonë më e fortë në këtë start”, deklaroi më tej Horner.

Sot mund të lexoni Shfletoni kopertinat
Sondazh
test