“Dua fitoren në Monza, për të reduktuar disavantazhin që kam me Vettel. ka kohë që e shoh duke qeshur, ndaj dua t’i heq buzëqeshjen nga fytyra”, ka qenë deklarata e dhënë sot nga piloti britanik Lewis Hamilton, i renditur i dyti në përfundim të provave të lira, të zhvilluara në pistën e Monza. Në Itali, zhvillohet të dielën gara e fundit në Europë në Formula 1, në shtëpinë e Ferrarit, ndaj piloti i Mercedes kërkon një fitore për të marrë ai kreun e renditjes (ndodhet 7 pikë pas Vettel në klasifikimin e përgjithshëm).
