Të dielën (me 9 tetor) do të zhvillohet gara për Çmimin e Madh të Japonisë në Formula 1. Te disa skuadra është një zhgënjim sidomos te ajo e Ferarrit. Shefi i Ferrarit, Maurizio Arrivabene, ka thënë mes të tjera: “Makina është më e shpejtë se një vit më parë, por kjo nuk mjafton. Gabimi ynë ishte nënvlerësimi që i bëmë forcës së Mercedes, ndërsa te Red Bull, janë më të përulur se ne. Gabuam shumë që i nënvlerësuam në fillim të verës dhe tani po paguajmë pasojat. Sigurisht që nuk kemi qenë në lartësinë e duhur, por ka edhe shumë gjëra të paparashikueshme”. Gara në Japoni pritet të jetë interesante sidomos mes dy pilotëve të Mercedesit, Nico Rocberg dhe Lewis Hamilton, që luftojnë për titull.
