Në fundjavë do të zhvillohet gara për Çmimin e Madh të Belgjikës, e cila pritet me emocione të mëdha edhe nga dashamirët e këtij sporti. Piloti gjerman i Ferrarit, Sebastian Vettel, është ende në kërkim të suksesit të parë sezonal. Por mbi të gjitha, një sukses në Spa do të ishte e rëndësishme për vazhdimin e kampionatit. “Do të jetë e rëndësishme ta rinisim kampionatin më këmbën e mbarë, pasi do të ishte një shtysë për pjesën e mbetur të Botërorit. Nuk jemi aty ku duam, por kemi pasur mundësi të rikuperojmë gjatë këtyre javëve pushim. E dimë se ku i kemi mangësitë dhe besoj se në startin e garës së Belgjikës do të paraqitemi më kompetitivë. Në çdo garë ne garojmë për të fituar, ndaj këtë gjë do ta bëjmë kudo”, tha Vettel.