“E dimë se kjo që kemi bërë nuk është diçka e jashtëzakonshme, por këto janë mundësitë tona. Për fat të mirë edhe ministri Lutfi Zharku ka qenë përkrahës yni i madh në këtë drejtim, prandaj besoj se kontributi ynë do të vazhdojë edhe në të ardhmen”, është shprehur Rexhë Osmanaj, drejtor i Drejtorisë së Rrugëve. Drejtori i Drejtorisë së Rrugëve, Rexhë Osmanaj është ndër zyrtarët e dalluar shtetërorë, i cili për asnjë moment nuk po heziton të përkrahë Federatën e Auto Sportit të Kosovës dhe automobilizmin në përgjithësi. Me aq sa ka mundësi, Osmanaj sivjet është duke u treguar krah i fortë i FASK-ut. “Mendoj se kjo është detyrë e secilit prej nesh. Me punën tonë ne po e përmirësojmë gjendjen e rrugëve për qytetarët tanë e rrjedhimisht po i ndihmojnë edhe automobilistët, të cilëve po përpiqemi t’u ofrojmë kushte më të mira për garë, e në veçanti në aspektin e sigurisë“, ka thënë Osmanaj. Deri tani, me përkrahjen e tij, në prag të garave është intervenuar në akset rrugore Pejë - Kullë dhe Brezovicë - Prevallë, ndërsa deri në fundjavë pritet të intervenohet edhe në rrugën në Shalë të Bajgorës, ku do të mbahet gara e radhës. “Para garave në Kullë dhe Brezovicë i kemi pasur vetëm nga dy ditë kohë për të punuar aty ku ka pasur nevojë, por, megjithatë, ia kemi dalë të përmirësojmë gjendjen e rrugëve. Ndërsa, për Shalë kemi më tepër kohë dhe pa dyshim që shtegu do të jetë në gjendje të mirë për garën e kësaj fundjave”, ka shtuar Osmanaj. Ai ka theksuar se në Drejtorinë e Rrugëve, por edhe në Ministrinë e Infrastrukturës e kanë të qartë se ka nevojë edhe për shumë investime tjera. “E dimë se kjo që kemi bërë nuk është diçka e jashtëzakonshme, por këto janë mundësitë tona. Për fat të mirë edhe ministri Lutfi Zharku ka qenë përkrahës yni i madh në këtë drejtim, prandaj besoj se kontributi ynë do të vazhdojë edhe në të ardhmen”, ka shtuar numri një i Drejtorisë së Rrugëve.
Duke mos e fshehur dashurinë për sportin, Osmanaj ka theksuar se zhvillimi i automobilizmit të mirëfilltë i kontribon edhe sigurisë në trafik, që është njëra nga prioritetet e Ministrisë së Infrastrukturës. “Detyra jonë është t’i mirëmbajmë rrugët sa më mirë që është e mundur. Do të vazhdojmë të japim kontributin tonë ku do që kërkohet dhe që kemi mundësi, ndërsa jemi të gatshëm të bashkëpunojmë edhe me Ministrinë e Sportit, Federatën e Auto Sportit dhe çdo institucion tjetër me qëllim të përmirësimit të kushteve, qoftë për auto sportin, qoftë për qyetarët në përgjithësi”, është shprehur Osmanaj në fund.