Filluan në Kosovë, xhirimet e filmit me metrazh të gjatë “ Mala”

Filma

Filluan në Kosovë, xhirimet e filmit me metrazh të gjatë “ Mala”

Nga: Beqir SINA - New York Më: 6 shtator 2018 Në ora: 15:42
Pamje nga xhirimet e filmit

Ky film bazohet në ngjarje të vërtetë e cila ka ndodhur në luftën e fundit në Ballkan, ajo e Kosoves, në mesin e aktorve luajn edhe disa ish- ushtar të UÇK –së, të cilët morën pjesë drejtpërsëdrejti në luftën çlirimtare të Kosovës

Këto ditë në Kosovë, bëhet e ditur se ka nisur xhirimi i filmit “Mala”, një film ky i "Bazuar në një histori të vërtetë" - “Based on a True Story”, që po xhirohet me një inisiativë të përbashkët me shpenzimet e një grupi artistësh, pra me buxhet të limituar. 

Një film ky, i cili tregon për luftën çlirimtare të Kosovës – 24 Mars 11 Qershor 1999.

Image

Në mesin e grupit të xhirimit, ka edhe drejtues të filimit, aktor dhe kontributor ish- ushtar të UÇK –së, të cilët morën pjesë drejtpërsëdrejti në luftën çlirimtare të Kosovës.
 
Lajmin për fillimin e xhirimeve e ka bërë të ditur vet producenti i këtij filmi Trim Musliu, nëpërmjet një postimi që bëri dy ditë më parë kur nisën edhe xhirimet në terren , nëpërmjet llogarisë së tij në Facebook.

Ai njofton në statusin e tij në rrjetin social, se filmi i metrazhit të gjatë "Mala", bazohet në ngjarje të vërtetë, e cila ka ndodhur në luftën e fundit në Ballkan, ajo e Kosovës. 

"Mala, një dëshmitar i gjallë i tmerrit të përjetuar, masakres dhe gjykimi i padrejtë ndaj tij nga ndërkombëtarët. Ne duhet ti paraqesim botës të vërtetën tonë si popull, çka kemi përjetuar, me çka po ballafaqohemi çdo ditë si pasojë e padrejtësive politike dhe si këto padrejtësi po mveshen me petkun e Gjykatave të ndryshme qe po marrin fryme dhe jete vetem tek ne në Kosovë", ka shkruar ai. "Deri kur zëri ynë do të shuhet nga zërat e padrejtë që marrin jehone nga një drejtësi e bazume në të padrejten , manipulimin dhe shtypjen. Këtë më së miri e rrëfen Mala", ka thënë Musliu.

Producenti po ashtu ka thënë se "ky film realizohet mbi vullnetin e mirë të disa aktorëve profesionist dhe ekipes së filmit pa asnje përfitim financiar, por vetëm me një qëllim të vetëm atë që gjithë kemi përgjegjsinë ta rrëfejmë të vërteten mbi drejtësinë".

Poashtu grupi realizues ka shkruar në rrjetin social Facebook, se filmi ka edhe një preceptim real mbi efektin “Gjykatë speciale” dhe pasojat e Pseudo Gjykatave të ngjajshme, siç thonë ata.

Mala, thuhet në sinopin e këtij filmi është një dëshmitar i gjallë i tmerrit të përjetuar, masakres dhe gjykimi i padrejtë ndaj tij nga ndërkombëtarët.

Image

Ndërsa shtojnë se ne duhet ti paraqesim botës të vërtetën tonë si popull, çka kemi përjetuar, me çka po ballafaqohemi çdo ditë si pasojë e padrejtësive politike dhe si këto padrejtësi po mveshen me petkun e Gjykatave të ndryshme qe po marrin fryme dhe jete vetem tek ne në Kosovë.

Deri kur zëri ynë do të shuhet nga zërat e padrejtë që marrin jehone nga një drejtësi e bazume në të padrejten , manipulimin dhe shtypjen.

Dhe, këtë më së miri duket se nëpërmjet këtij filmi e rrëfen Mala.

Ky film që po realizohet mbi vullnetin e mirë të disa aktorëve profesionist dhe ekipes së filmit pa asnje përfitim financiar por vetëm me një qëllim të vetëm atë që gjithë kemi përgjegjsinë ta rrëfejmë të vërteten mbi drejtësinë, i përket zhanrrit të filmave botëror që quhen  "Bazuar në një histori të vërtetë" - “Based on a True Story”.

Luajn: 

Avdullah Gjikoka

Besim Ajeti

Esela Pysqyli

Arber Krasniqi etj.

Regjia dhe Skenari 

Faton Bajraktari.

Ndihmes regjisor (asistent regjie)

Arber Krasniqi 

DOP. Isak Duraku

Sot mund të lexoni Shfletoni kopertinat