Rikthimi i Lara Croft. Vikander, heroina e “Tomb Rider” - Bota Sot
Rikthimi i Lara Croft. Vikander, heroina e “Tomb Rider”

Filma

E diel, 24 qershor 2018

Rikthimi i Lara Croft. Vikander, heroina e “Tomb Rider”

Më: 14 mars 2018 Në ora: 10:20
Alicia Vikander

Kur personazhi i video lojërave Lara Croft debutoi fillimisht ne ekranin e madh gati dy dekada më parë, ajo ishte një supergrua, e guximshme dhe sensuale.

Tani, me të njëjtën frymë feministe, aktorja fituese e Çmimit “Oscar”, Alicia Vikander risjellë heroinën në ripërshtatjen e filmit “Tomb Rider”, i cili do të ketë premierën botërore këtë javë. Prodhimi i ri hyn thellë në jetën personale dhe emocionale të Lara Croft.

“Historia nis kur Lara nuk ishte një heroinë e aksionit. Ne përpiqemi ta zbërthejmë personazhin e saj duke e treguar atë si një njeri me dobësitë e veta”, tha Alicia Vikander.

Croft, vajza sypatrembur e një aventurieri të zhdukur duhet të tejkalojë limitet e saj kur e gjetën veten në ishullin ku është zhdukur i ati. “Tomb Raider,” i shfaqur fillimisht në ekranin e madh në vitin 2001 me Angeline Jolie në rolin e Croft, rikthehet në një kohë kur Hollivudi po i jep grave më shumë role qendrore në zhanrin e dominuar kryesisht nga meshkujt.

Ai do të jetë edhe një bast për Warner Bros që ka zgjedhur Vikander si yllin e ri të aksionit pas suksesit të aktores jo shumë të njohur izraelite Gal Gadot ne “Wonder Woman”. Vikander u vlerësua me çmimin “Oscar” si aktorja më e mirë në rol dytësore në vitin 2016, për interpretimin në “The Danish Girl”.

Komentet
comments powered by Disqus
Sot mund të lexoni Shfletoni kopertinat
Sondazh
test