Sarah Jessica Parker po mban ende shpresa për filmin e tretë “Sex and the city”.
Pavarësisht mosmarrëveshjeve të fundit që kanë ndodhur brenda kastit, aktorja 52-vjeçare thotë se kjo mund të ndodhë në të ardhmen.
“E ndjej se e kam thënë të njëjtën gjë për aq kohë të gjatë sepse donim që ta bënim filmin, por më pas nuk u bë dhe kjo është në rregull”. “Më duhet ta them se nuk ka pasur bisedë substanciale që kur u përcaktua se nuk e bëmë. Por unë gjithashtu e di se sa skenarist i shkëlqyer është Michael Patrick King. Ai është shkrimtar magjik dhe unë asnjëherë nuk do të ndalem së insistuari për idenë e filmit të tretë, sepse truri i tij punon në mënyra të mrekullueshme dhe të habitshme”, u shpreh Sarah për kanalin E! News.
