Nis dezinsektimi i hapësirave publike në Ferizaj - Bota Sot
Nis dezinsektimi i hapësirave publike në Ferizaj

Ferizaj

E martë, 19 qershor 2018

Nis dezinsektimi i hapësirave publike në Ferizaj

Më: 1 qershor 2018 Në ora: 14:39
Ilustrim

Ka filluar faza e parë e dezinsektimit të hapësirave publike, aksion ky që do të zgjasë deri në dezinsektimin e plotë të qytetit të Ferizajt.

Ky aksion po kryhet me qëllim të pastrimit të ambientit nga insektet e sidomos mushkonjat, të cilat edhe janë një ndër bartësit edhe të sëmundjeve ngjitëse.

Në fazën e parë të dezinsketimit është përfshirë ana perëndimore e qytetit, e që ka filluar nga “Parku i Lirisë” dhe ka vazhduar edhe në rrugën “Brahim Ademi” deri tek pishina “Matoshi”, pastaj ka përfshirë edhe në zonën tek Forca e Sigurisë së Kosovës, zonën rreth Palestrës së Sporteve “Bill Clinton”, rrugët “Naim Beka”, “Epopeja e Jezercit”, rrugën “Zenel Hajdini”, rrugën “Enver Topalli” deri tek Tregu i Gjelbër dhe në fshatin Nikadin.

Sipas komunës, deznisektimi është kryer edhe në anën lindore të qytetit ku janë përfshirë rrugët “Ahmet Kaçiku”, “Driton Islami”, “Rexhep Bislimi”, “Vllezërit Gërvalla”, “Kadri Zeka”, rruga e “Reçakut” deri në magjistrale. Përgjegjësit e këtij projekti kanë apeluar te bletarët që të kenë kujdes pasi ky dezinfektim mund të ketë pasoja për bletët.

Dezinfektimi do të vazhdoj edhe nëpër zona të tjera të parapara sipas projektit.

Sot mund të lexoni Shfletoni kopertinat
Sondazh
test