Kryetarit të komunës së Ferizajt, Muharrem Svarqës, i është shpërthyer goma e veturës zyrtare
Lajmin e ka konfirmuar edhe zëdhënësi i policisë për rajonin e Ferizajt, Agim Gashi.
“Po, i është shpërthyer njëra gomë e veturës zyrtare”, ka thënë Gashi.
Ai ka treguar se një person është dërguar në stacion, se i është ngritur kallëzimi penal “Dëmtim prone” dhe se i njëjti është liruar pastaj.
Ndërkaq, një qytetar ka treguar se personi i cili ka kryer këtë vepër ka polemizuar me shoferin e kryetarit. Ai ishte ndaluar nga sigurimi i Komunës, derisa në vend të ngjarjes ka arritur policia. Këtë veprim ky person thuhet se e bëri pasi i “kishte premtuar një vend pune”.
