AVONET: Bora e zuri në befasi komunën e Ferizajt

Ferizaj

AVONET: Bora e zuri në befasi komunën e Ferizajt

Më: 5 janar 2017 Në ora: 15:22
Gjendja e rrugëve me borë në Ferizaj

Organizata jo qeveritare AVONET nëpërmes një komunikate për media thotë se rrugët në komunën e Ferizajt janë në një gjendje të keqe e po ashtu trotuaret jo funksionale nga bora.

“Bora e janarit e cila mbuloi sot qytetin e Ferizajt, siç duket ka zënë në befasi Komunën e Ferizajt. Rrugët e Ferizajt janë të mbushura me borë, po ashtu edhe trotuaret janë të pa pastruara dhe kështu janë bërë të pa qarkullueshme për këmbësorët dhe njëherit po rrezikon edhe jetën e qytetarëve”, thuhet në komunikatën e AVONET.

Sipas AVONET pavarësisht që autoritetet komunale kanë kontraktuar tre kompani për heqjen e borës siç i kanë zënë të papërgatitura për një situatë të tillë edhe pse sinoptikët e motit kanë paralajmëruar një mot të tillë.

AVONET bën apel komunës së Ferizajt që të ndërmarr hapa të shpejtë për të pastruar së paku rrugët kryesore dhe trotuaret.

“Një gjendje e rëndë e rrugëve është edhe tek fshatrat e komunës së Ferizajt”, thuhet në komunikatë të AVONET-it./BS/

Sot mund të lexoni Shfletoni kopertinat