Moska kërcënon pas ndarjes së Kishës së Kievit: Do mbrojmë ortodoksët

Evropë

Moska kërcënon pas ndarjes së Kishës së Kievit: Do mbrojmë ortodoksët

Më: 13 tetor 2018 Në ora: 07:12
Ilustrim

Rusia u zotua të premten se do të mbrojë besimtarët e kishës ruse në Ukrainë, nga çdo veprim i paligjshëm kundër tyre, pas lëvizjes së Kievit drejt një ndarjeje historike nga Kisha Ortodokse Ruse.

Ukraina dëshiron të krijojë një kishë kombëtare, të lirë nga lidhjet e saj tradicionale me Rusinë, që thotë se është një hap jetik për të shmangur ndërhyrjen ruse në çështjet e saj.

Moska, nëpërmjet patriarkut Kirill, ka kundërshtuar këtë masë, duke argumentuar se kjo ndarje do të shkaktonte një përçarje të thellë në Krishterimin Orthodhoks.

Komentet e Kremlinit mund të ndezin tensionet midis Kievit dhe Moskës, marrëdhëniet mes të cilëve u prishën pas aneksimit të Krimesë nga Rusia në 2014-ën.

“Në rast se ngjarjet që po zhvillohen, ndjekin rrjedhën e aktiviteteve të paligjshme, atëherë sigurisht, ashtu siç Rusia mbron interesat e rusëve dhe folësve rusë – dhe Putini ka folur për këtë shumë herë – Rusia do të mbrojë interesat e ortodoksëve”, tha Dimitri Peskov, zëdhënësi i presidentit Vladimir Putin, për gazetarët.

Peskov tha se mbrojtja do të përbëhej ekskluzivisht nga masat politike dhe diplomatike, megjithatë, në Kiev komentet e tij u komentuan si të pakëndshme dhe me një gjuhë afërsisht të njëjtë me atë të përdorur në prag të aneksimit të Krimesë dhe rebelimit separatist.

Gjatë ditës së enjte, Patriarku Ekumenik i Stambollit i hapi udhë ndarjes së Kishës Ortodokse të Kievit, nga Moska, ndërsa këto ditë pritet që t’i japë edhe Autoqefalinë.

Gjatë kohës së shqyrtimit të kërkesës së Kievit, patriarku i Moskës, Kirill kishte ftuar disa kisha europiane ortodokse, për të diskutuar në lidhje me këtë çështje, por ishte përballur me refuzimin fillimisht të Bullgarisë dhe më pas të Greqisë.

commentFirst article
Sot mund të lexoni Shfletoni kopertinat