Vriten pesë anëtarë të një familje, pas një konflikti për pronë

Evropë

Vriten pesë anëtarë të një familje, pas një konflikti për pronë

Më: 22 korrik 2018 Në ora: 13:40
Foto ilustrim

Konflikti për pronën ka përfunduar me vrasjen e 5 pjesëtarëve të një familjeje në Turqi. Në konflikt e sipër, autori qëlloi për vdekje të atin, të vëllain, kunatën dhe 2 nipat ndërsa më pas e drejtoi pistoletën edhe në kokën e tij.

Ngjarja e rëndë ka ndodhur paraditen e së dielës, rreth orës 11:00 në një fshat të distriktit Besni të provincës Adiyaman. Sipas agjencisë së lajmeve “IHA”, babai dhe dy djemtë po debatonin për ndarjen e një ngastre toke kur u nxehën gjakrat.

Pas përfshirjes në konflikt edhe të 2 nipave, Salih A. ka nxjerrë pistoletën nga brezi duke qëlluar të atin, vëllain e tij të madh, kunatën dhe 2 nipat. Më pas ai qëlloi edhe veten në kokë.

Në vendngjarje mbërritën menjëherë ekipet e xhandarmërisë dhe ambulancat, por fatkeqësisht nuk mund të bënin asgjë për të shpëtuar familjarët. I vetmi që u dërgua i plagosur rëndë në spital ishte autori i krimit të rëndë.

commentFirst article
Sot mund të lexoni Shfletoni kopertinat