Policia britanike vazhdon kërkimet për objektin që helmoi dy persona me Noviçoke

Evropë

Policia britanike vazhdon kërkimet për objektin që helmoi dy persona me Noviçoke

Më: 6 korrik 2018 Në ora: 16:08
Ilustrim

Policia britanike është duke vazhduar kërkimet në Sallsbëri dhe Eimsbëri në jugperëndim të Britanisë, për të identifikuar koshin e mbeturinave, i cili dyshohet të ketë gjurmë të agjentit nervor, Noviçok.

Më shumë se 100 zyrtarë policorë janë duke kërkuar artikullin që ka helmuar dy persona gjatë vikendit në Eimsbëri.

Qyteza gjendet afër vendit ku ishin helmuar muaj më parë ish-agjenti rus, Sergei Skripal dhe vajza e tij Yulia më 4 mars.

Të dy viktimat, Dawn Sturgess and Charlie Rowley, janë në gjendje kritike në spital.

Policia ka njoftuar se ka zbuluar që dy britanikët i janë ekspozuar agjentit nervor pasi kanë bartur një “artikull të kontaminuar” që mund të jetë përdorur në tentim-vrasjen ndaj Skripalëve.

Zyrtarët britanikë fajësojnë Rusinë për rastin Skripal, që ka ndodhur në muajin mars.

Kremlini në anën tjetër kundërshton çdo keqbërje.

“Është plotësisht e papranueshme që njerëzit tanë të jenë shënjestra aksidentale, apo se qytetet e parqet tona të jenë tokë për helm”, ka thënë ministri i Brendshëm britanik, Sajid Javid më 5 korrik.

Noviçok është agjent nervor i kategorisë ushtarake që është zhvilluar nga Bashkimi Sovjetik.

Sot mund të lexoni Shfletoni kopertinat