Në BE vazhduan kërkesat për azil, edhe pse në numër më të vogël

Evropë

Në BE vazhduan kërkesat për azil, edhe pse në numër më të vogël

Më: 19 qershor 2018 Në ora: 12:00
Ilustrim

Sirianë të tjerë, afganë dhe pakistanezë kërkuan azil në Bashkimin Evropian vitin e kaluar, pavarësisht rënies së madhe të numrit të përgjithshëm të aplikuesve.

Zyra Evropiane për Mbështetjen e Azilit tha në raportin e saj vjetor se numri i njerëzve që kanë kërkuar azil në 28 vende të Bashkimit Evropian, plus Norvegjinë dhe Zvicrën, ka rënë gati për gjysmë, krahasuar me vitin 2016.

"Ndërkohë që në vitin 2016 janë regjistruar rreth 1.3 milion aplikacione për mbrojtje ndërkombëtare, numri i tyre ka rënë në rreth 730,000 më 2017", thuhet në raport.

Të dhënat paraprake për katër muajt e parë të këtij viti gjithashtu tregojnë se numri i aplikimeve është stabilizuar në një mesatare mujore prej më pak se 50,000.

Sirianët vazhdojnë të përbëjnë numrin më të madh të azilkërkuesve, duke u pasuar nga afganët, pakistanezët dhe iranianët.

Sot mund të lexoni Shfletoni kopertinat