‘Askush nuk mund ta rrëzojë urën e Putinit’ - Bota Sot
‘Askush nuk mund ta rrëzojë urën e Putinit’

Evropë

E shtunë, 23 qershor 2018

‘Askush nuk mund ta rrëzojë urën e Putinit’

Më: 23 maj 2018 Në ora: 17:45
Ura e Krimesë

Ura e Krimesë është pjesë përbërëse e Rusisë, si dhe e gjithë Krimeja, kështu që autoritetet ukrainase nuk duhet të imagjinojnë diçka që kurrë nuk do t'i përkasë.

Kështu ka thënë sot zëvendëskryeministri i qeverisë së Krimesë Dmitry Polonsky, një ditë pasi një deoputet ukrainas paralajmëroi rrëzimin e urës së Vladimir Putin, për të cilin shefi i shtetit rus tha se kishte arritur të bëjë atë që as cari rus nuk ka mundur.

"Krimeja ishte, është dhe do të jetë një pjesë e patjetërsueshme e Rusisë dhe, për rrjedhojë, gjithçka që po ndërtohet në territorin e Krimesë është gjithashtu një pjesë e patjetërsueshme e Rusisë. Por kjo nuk do të ndodhë derisa ata vetë të fillojnë të merren me ekonominë e tyre dhe situatën sociale brenda vendit," tha Polonski.

Sipas tij, Kievi zyrtar po jeton në botën e ëndrrave dhe iluzioneve, duke mos vepruar asgjë për zhvillimin e vendit të tyre.

Deputeti ukrainas Igor Mosijchuk kërcënoi dje se do të shkatërrojnë urën e Krimesë mbi urën e lumit Kerky, pak ditë pas përurimit të saj nga ana e presidentit rus Vladimir Putin.  

Krimeja është pjesë ukrainase, e cila është aneksuar nga Rusia në vitin 2014, ndërsa ura e përuruar është më e madhja në Evropë prej 19 kilometrash.

Gjatë përurimit të saj, presidenti Putin tha se kishte arritur të bëjë atë që nuk kishte mundur as cari i Rusisë. Por, pak ditë pas kësaj vjen kërcënimi nga Kievi zyrtar i cili urën e ngritur e konsideron si “infrastrukturë armiqësore”.

"Ura Kerky është një infrastrukturë armiqësore. Pse është armiqësore? Pasi ajo lidh territorin e pushtuar me tokën e agresorit. Çdo vend normal në botë që është në luftë për territorin e saj, njerëzit e saj, natyrisht, përpiqet të shkatërrojë infrastrukturën e armikut - urën, stacionin hekurudhor, aeroportin,” tha Mosijchuk. 

Duke iu përgjigjur pyetjes nëse ai do të merrte pjesë personalisht në rrëzimin e urës, deputeti ukrainas u përgjigj se ai me siguri do ta kishte bërë këtë sikur të ishte ministër i mbrojtjes. 

Ndryshe, pjesa më e madhe e banorëve të Krimesë, 96.77 për qind, ka votuar për bashkimin me Rusinë.

Sot mund të lexoni Shfletoni kopertinat
Sondazh
test