Marrëveshja për “Brexit”, Irlanda: Ndoshta nuk arrihet kurrë! - Bota Sot
Marrëveshja për “Brexit”, Irlanda: Ndoshta nuk arrihet kurrë!

Evropë

E enjte, 16 gusht 2018

Marrëveshja për “Brexit”, Irlanda: Ndoshta nuk arrihet kurrë!

Më: 17 maj 2018 Në ora: 18:22
David Davis

Kryeministri irlandez, Leo Varadkar tha se Britania mund të dalë nga BE-ja pa një marrëvëshje, nëse brenda qeverisë britanike vazhdojnë zënkat edhe gjatë javëve të ardhshme.

Bisedimet për “Brexit”-in po humbasin rrugën, ndërsa Theresa May nuk ka mundur të ofrojë një zgjidhje për të shmangur kufirin fizik mes Irlandës së Veriut dhe Republikës së Irlandës.

Kryeministri irlandez tha se, samiti i ardhshëm i Këshillit të Europës, i planifikuar për muajin e ardhshëm, do të jetë thelbësor për bisedimet, pavarësisht përpjekjeve nga Sekretari për “Brexit”-in, David Davis dhe të tjerëve për të fshehur afatin përfundimtar.

Mosmarrëveshjet brenda kabinetit “May” në këtë fazë të negociatave janë përshkruar nga mediet britanike si tronditëse. Në këtë kuadër, kryeministri irlandez Varadkar tha se, Dublini dhe Brukseli nuk kanë parë asgjë nga Britania që t’i afrohet sadopak një zgjidhjeje të ngërçit aktual.

“Në qershor na duhet të shohim progres dhe ky progres do të vlerësohet nga Komisioni Europian. Afati përfundimtar për marrëveshjen e largimit është tetori, por nëse nuk kemi progres në qershor, duhet të pyesin nëse do të kemi vërtet ndonjë marrëvëshje largimi”, deklaroi kryeministri irlandez.

Qeveria britaniek është zotuar se do të gjejë një zgjidhje, që të mos ketë nevojë për kontrolle kufitare mes Republikës së Irlandës dhe Irlandës së Veriut. Në samitin e 29 qershorit pritet që Londra të paraqesë një plan për raportet e ardhshme tregtare, po ky do të injorohet plotësisht nëse çështja irlandeze nuk do të jetë zgjidhur dhe të ketë marrë miratimin e Dublinit dhe Brukselit.

Sot mund të lexoni Shfletoni kopertinat
Sondazh
test