Presidenti rus, Vladimir Putin ka kaluar urën e re që lidh Rusinë me Krimenë duke drejtuar një kamion, duke inauguruar kështu edhe rrugën e re që lidh dy vendet.
E gjatë 19 kilometra, ura synon të zvogëlojë izolimin e Krimesë nga pjesa tjetër e Rusisë.
Nuk kanë qenë të pakta reagimet kundër ndërtimit të kësaj ure. I pari që ka reaguar ka qenë ministri ukrainas Volodymyr Groysman, i cili ka dënuar ndërtimin e urës, duke theksuar se kjo është bërë në shkelje të të drejtave ndërkombëtare.
“Rusia e ka ndërtuar urën e Kerc, për gadishullin e Krimesë pa miratimin e Ukrainës”, ka deklaruar një zëdhënës i BE, duke shtuar se “Ky është një dhunim tjetër i sovranitetit e integritetit territorial të Ukrainës nga ana e Rusisë.
