Bashkimi Evropian (BE) është duke shtyrë përpara disa politika të cilat kërkojnë një pagesë prej 7 eurosh për udhëtarët jashtë zonës Schengen, që përfshin edhe Britaninë e Madhe.
Taksa do të jetë pjesë e një sistemi të ri të kontrollimit që për synim ka përmirësimin e sigurisë në kufijtë e BE-së.
Sipas rregullave të reja, ata që do të hynë në zonën Schengen duhet të plotësojnë një formë elektronike para se të aplikojnë për udhëtim dhe ta paguajnë taksën.
Një autorizim udhëtimi është i vlefshëm për tre vite apo deri në fund të vlefshmërisë së pasaportës.
Pasi që marrëveshja është konfirmuar nga ambasadorët e BE-së, rregullorja do t’i paraqitet Parlamentit Evropian për votim dhe më pas Këshillit.
