Temperatura rekord në kryeqytetin e Britanisë. Që prej gati 70 vitesh në Londër termometri nuk kishte arritur shifrën e 29 gradëve.
Shërbimi Meteorologjik e ka regjistruar këtë vlerë në Parkun St James në qendër të Londrës.
Temperatura mesatare për Mbretërinë e Bashkuar në Prill është 11.9 gradë Celsius. Por të dhënat e fundit tregojnë se në Britani janë shënuar vlera më të larta se në Spanjë e Itali, gjë që është e pazakontë.
Vala e të nxehtit vjen rreth një muaj pasi Britania e Madhe u përball me borën dhe akullin nga stuhia e quajtur “Bisha e Lindjes”.
Qytetarët kanë vrapuar në drejtim të parqeve për të shijuar rrezet e ngrohta të diellit. Meteorologët janë shprehur se vera ka ardhur jashtëzakonisht herët.
Në fundjavë do të mbahet dhe maratona e Londrës dhe vrapuesve do t’u mundësohen kushtet e nevojshme për ta përballuar sa më mirë këtë valë të nxehti.
