Serzh Sarkisian zgjedhet kryeministër i Armenisë

Evropë

Serzh Sarkisian zgjedhet kryeministër i Armenisë

Më: 17 prill 2018 Në ora: 15:41
Serzh Sarkisian, fotografi nga arkivi

Ligjvënësit në Armeni e kanë zgjedhur Serzh Sarkisian në postin e kryeministrit, pavarësisht protestave kundër këtij vendimi.

Në Parlament, 76 ligjvënës kanë votuar për, ndërkaq 17 kundër zgjedhjes së Sarkisian në postin e kryeministrit. Ai nuk ka pasur asnjë kundërkandidat.

Opozita e ka akuzuar atë se ka ndryshuar sistemin politik nga ai presidencial në parlamentar, në mënyrë që të vazhdojë të qëndrojë në pushtet.

Sarkisian ka shërbyer për dy mandate në postin e presidentit.

Gjatë një referendumi më 2015, Armenia kishte vendosur që të barte shumicën e fuqisë politike te posti i kryeministrit.

Zgjedhja e Sarkisian është kundërshtuar, duke bërë që protestuesit të bllokojnë disa nga rrugët në qendër të Jerevanit.

Më herët gjatë ditës, autoritetet armene kanë njoftuar se kanë arrestuar 29 aktivistë.

Sot mund të lexoni Shfletoni kopertinat