Rusia do të mbetet partner i vështirë, por i domosdoshëm, pas rizgjedhjes së Vladimir Putinit president, tha ministri i Jashtëm i Gjermanisë, Heiko Maas.
"Rezultati i zgjedhjeve në Rusi na ka befasuar aq sa edhe rrethanat e zgjedhjeve", tha Maas, duke shtuar se gara zgjedhore nuk ka qenë plotësisht e drejtë në disa aspekte.
Ai po ashtu tha se është "e papranueshme" që gadishulli i Krimesë ka marrë pjesë në votime.
"Vlerësojmë se Rusia do të mbetet partner i vështirë. Por, Rusia është po ashtu e nevojshme kur bëhet fjalë për zgjidhjen e konflikteve të mëdha ndërkombëtare. Kjo është arsyeja përse duam të mbetemi në dialog", tha Maas.
Rusia e ka aneksuar Krimenë nga Ukraina në vitin 2014.
