Arratisen nëpunësit turq, kërkojnë azil në Greqi

Evropë

Arratisen nëpunësit turq, kërkojnë azil në Greqi

Më: 20 shkurt 2018 Në ora: 09:46
Ilustrim

17 qytetarë turq, të larguar me një gomone nga brigjet turke, kanë mbërritur në një prej ishujve Inouses, në Egjeun juglindor dhe kanë kërkuar azil politik.

Bëhet fjalë për 17 nëpunës civilë dhe gjyqtarë që pasi kanë bërë kërkesën e azilit kanë deklaruar se janë persekutuar në vendin e tyre për shkak të pikëpamjeve të tyre politike dhe se rrezikohen të burgosen nga Rexhep Tayyip Erdogan.

Pas procedurave të regjistrimit, ata janë dërguar në qendrën e pritjes dhe identifikimit në ishullin Hios.

Ngjarja ndodh në një nga momentet me të papërshtatshme përsa i përket marrëdhënieve mes dy vendeve, kjo pas incidentit me përplasjen e dy anijeve të Rojës Detare greke dhe turke pranë ishujve Imia.

commentFirst article
Sot mund të lexoni Shfletoni kopertinat