Cigarja të cilën deri në gjysmë e ka pirë ish-kryeministri i Britanisë së Madhe, Winston Cherchil gjatë rrugës për Paris në vitin 1947, është shitur për më shumë se 12.000 dollarë në një ankand në internet.
Mbetja e cigares, e gjatë 10 centimetra, është blerë nga një koleksionist i paemëruar nga Palm Beach në Florida, njoftoi shtëpia e ankandit RR Auction nga Bostoni.
Përveç cigares, është shitur edhe fotografia e Cherchil me cigare në aeroport, në të cilën është autografi i tij.
Cigaren e kishte ruajtur piloti britanik William Alan Turner, i cili kishte vozitur aeroplanin me të cilin Cherchil dhe bashkëshortja e tij udhëtuan deri në Paris dhe në kthimin mbrapa.
