Disa ditë para ndalimit të qarkullimit në treg të monedhave të vjetra të paundit britanik, njoftohet se mbi 1.2 miliardë monedha janë kthyer vetëm në gjashtë muajt e fundit.
Pas më shumë se 30 vitesh në qarkullim, monedhat e rrumbullakëta po zëvendësohen me një monedhë të re 12-këndore me siguri të lartë.
Njoftohet se monedhat e vjetra do të dalin nga qarkullimi këtë fundjavë.
Autoritetet i bënë thirrje publikut që t'i këmbejnë në kohë monedhat e vjetra, t'i shpenzojnë ose t'i dhurojnë për bamirësi.
E prezantuar për herë të parë në vitin 1983, monedha e vjetër e paundit u bë lehtësisht e falsifikueshme. Megjithëse monedhat e vjetra do të dalin nga qarkullimi, ato ende mund të dorëzohen në bankat e mëdha pas kalimit të afatit përfundimtar.
