Shefi i diplomacisë ruse, Sergej Lavrov, ka thënë të hënën se vendet anëtare të NATO-s po tentojnë të ndryshojnë forcat ekzistuese në Evropë dhe se krijimi i sistemit kundër-raketor të mbrojtjes së SHBA-ve po e destabilizon situatën në kontinentin evropian.
“Duhet të konstatojmë se tentimi për të ndryshuar forcat ekzistuese në Evropë, e paparë që nga përfundimi i Luftës së Ftohtë përmes shtimit potencial ushtarak të bllokut dhe shtimit të aktiviteteve të stërvitjeve ushtarake, si dhe krijimi konstant i sistemit kundër-raketor të mbrojtjes së SHBA-ve dhe segmentit të saj evropian, destabilizon situatën në kontinentin evropian”, vlerësoi Lavrov.
