Britania e Madhe ka nevojë që të qetësohet rreth çështjes së Gjibraltarit, ka thënë sot ministri i Jashtëm i Spanjës, Alfonso Dastis.
Dastis ka thënë se është i befasuar se sa e emocionuar është qeveria e Britanisë së Madhe për mosmarrëveshjen rreth Shkëmbit.
“Qeveria e Spanjës është paksa e befasuar nga toni i komenteve që po vijnë nga Britania, një vend i njohur për vetëpërmbajtje,” ka thënë Dastis gjatë një konference në Madrid.
Komentet e tij vijnë pasi që ish ministri qeveritar i Britanisë së Madhe, Michale Howard, sugjeroi se kryeministrja Theresa May mund të përgatitet për luftë për Shkëmbin, nëse kërcënohet humbja e tij si pasojë e negociatave të shkëputjes së Britanisë nga BE-ja.
