Turqia dhe Rusia ranë dakord për një marrëveshje armëpushimi që pritet të hyjë në fuqi në çdo moment në Siri, njoftoi agjencia turke e lajmeve Anadoll.
“Ky plan synon të zgjerojë armëpushimin në Alepo në të gjithë vendin, duke përjashtuar grupet terroriste”, thekson agjencia turke e lajmeve.
“Në rast suksesi, kjo marrëveshje do të jetë baza e negociatave politike mes regjimit dhe opozitës që Moska dhe Ankaraja kërkojnë të organizojnë në Astana, Kazakistan”, sipas agjencisë Anadoll.