Presidenti turk Rexhep Taip Erdogan i ka sqaruar në një bisedë telefonike kolegut rus Vlladimir Putin për deklaratën e tij lidhur me shkatërrimin e Bashar Al Asad, ka deklaruar sot këshilltari i presidentit rus Juri Ushkakov.
Reuters rikujton se Kremlini mbrëmë bëri të ditur se Putin dhe Erdogan kanë biseduar me telefon për Sirinë dhe në veçanti për situatën me Aleppo.
Zëdhënësi i Kremlinit ka thënë dje se Moska është e befasuar me deklaratën e Erdoganit se forcat turke janë prezent në Siri për ta rrëzuar regjimin e Asadit dhe se për këtë kërkojnë sqarim nga Ankaraja.
